happy dreams

الدنيا كلها بتتكلم عن الانتخابات والبرلمان والاخوان والسلفيين والليبرالين...وعشان كدة انا هتكلم عن حاجة تانية خالص ...انا هتكلم عن الاحلام... مش الاحلام اللى بنشوفها واحنا نايمين لا انا هتكلم عن احلامنا اللى هى زى اهدافنا كدا...كام مرة حملت انك تطلع الاول على الكلية ومحلصش...كام مرة حلمت انك ترتبط بحد بتحبه ومحصلش ..كام مرة حلمت ان البلد تنضف والثورة يبان مفولها يبان..ومحصلش ..كام مرة حلمت انك تحقق اللى نفسك فيه ومحصلش ..اكيد مش كل الناس طبعا فشلت فى احلامها وكل الاجابات ..ماحصلش فيه ناس كله كله كله حصل ..حصل عشان ربنا قدرلهم وعشان هما كمان قرروا ده.. قرروا انهم يشوفوا شغلهم بما يرضى الله سواء شغلهم ده دراسة فى الكلية او شغل بعد الكلية ..او تنفيض البيت اوعلاقتهم مع الناس...الواحد مش كفاية يكون عنده احلام..لازم يكون فيه سنسور مع كل حلم ينبهه ان على الطريق الصح ولا حاد عنه عشان كدا كل حلم انا بحلمه بركب معاه سنسور لو حاجة قطعت حلمى ده السسور بصفر ويصدعنى لحد ما الطريق يبقى فلة قدام الاستاذ سنسور والحلم يكمل طبعا انا عارفة ان قرراتنا من قدرنا لكن كمان مع قرارتنا لازم نشتغل ونسعى ونجرى يمين وشمال لحد ما الحاجة اللى عاوزينها تتم...زى كدة السيرش على جوجل بتدور مرة واتنين وتلاتة وتفتح موقع وتلاتة وعشرة لحد ما تلاقى المعلومة اللى بتدور عليها

العلاج مر ...معلش استحمل

قررت اتعالج من الادمان خلاااااص.....مش ادمان المخدارات والعياذ بالله لكن ادمان اى حاجة انها بحبها وبتأذينى مهما كانت الحاجة دى وانا متأكدة ان كل حد فى حياتة فى حاجات كتير بيحبها وبتأذيه...ممكن الاذية تكون ان الحاجة دى مش بتبادل الحب اللى انت بتحبوه ليها ومتجاهلة وعاملة من بنها مع انها عارفة وفاهمة كل حاجة وعارفة كمان ان التطنيش ده بيموتك ومع ذلك بتكمل فى التطنيش عشان كدة انت كمان لازم تطنش واتعود ما تحبش حاجة تأذيك او تضرك لان انت كدا كدا مش فارقة معاك فى الحالتين بدل ما تاخدلك صدمة كبييييييييييرة وتكون نتايجها مضاعفات...واعراض انسحاب وهيصة...خليك دلوقتى فى السليم وانت عارف ان الدوا طول عمره مر...معلش استحمل دلوقتى عشان تكون قوى بعيد.....

من كل شىء نسبة

لا ادرى من اين ابدأ ولكنه القدر...كون كل شىء مكتوب ومحسوم عند الله يريحنى تارة ويقلقنى تارة ..يريحنى لاننى اعلم جيدا ان ما عند الله افضل وان الله قد قسم الارزاق وقدرها لكل شخص فلا خوف مما اخاف وقد علمت ان رزقى مقسوم وقدرى محسوم..لا يختلف اى منا على ذلك الكلام فالكل يعرفه ويردده....اما ما يجعلنى احتار فعلا هو اننى مع عملى ان كل شىء فى كتاب عند الله اخشى ان ارتكب بعض الحمافات التى قد تتسبب فى ضياع سعادتى...اخشى ان اسعد بطريقة تخالف كلام الله واموامره -وليست بالتبعية ان تكون كبيرة لا قدر الله- فتقل نسبة سعادتى فى المستقبل لانه على حد تصورى وخيالى ان لى كمية معينة من السعادة اذا استنفذتها بالطريقة غير الصحيحة تقل الكمية الصحيحة من سعادتى...كما ان لى تصورات ليست قفط بالسعادة ولكن فى كثير من شئون الدنيا مثل الاكل وبالتحديد الشيكولاتة فحبى للشيكولاتة جعلنى التهم منها كمية اكبر من اللازم فى وقت قليل مما دفع الطبيب لنصيحتى بعدم اكل الشيكولاتة مع العلم ان كلامه كان موجه لى ليس بصفة نصيحة ولكن بصفة طبيب يأمر مريضته..وما جعلنى افكر جديا فى ذلك اننى والحمدلله لم اصيب بالسمنة او الكوليسترول او اى مرض يجعلنى اتوقف عن التهامها هو فقط يحاول على ما تبقى لى من نسبتى لكى ادخرها الى لحظة تستحق ذللك ,قياسا على ذلك اى شىء من ملابس ..اصدقاء..عمل ..مال..ضحك..حزن..غم..ضغط..من كل شىء لى نسبة وذلك يجعلنى اتوقف عند مصيبة مثلا او شىء محزن او مرض هذا بالنسبة لى مؤشر على ان كميتى من الحزن فى طريقها للاضمحلال وبذلك جزء من هم الغيب ينزاح....السؤال هو هو اعيش بحماقاتى غير عابئة بالاتى...ام اتجاهل اى شىء انا اريده الان وهو ليس لى الان على امل ان يكون لى فى المستقبل اولعل الله يحدث بعد ذلك امرا وانا اعلم ان الله عنده الافضل...

ومن الكره ما ظلم...

هناك اشياء عدة لكن شخص على حدة يتجنبها لانه لا يحبها بل يكرهها ...فكرة استعمال الكره فكرة تؤلمنى بصورة شخصية ...نحن لم نتواجد لنكره...نحن لم نتواجد ليعادى بعضنا البعض ويعادى بعضنا الاشياء ..فى كثير من الاحيان تجد نفس تعادى اشياء لا بشر ...وما ذنب تلك الجمادى الذى لم يفعل شىء ضدك...طالما لم يفعل شيئا اصلا ...تجد نفسك فى كثير من الاحيان تكره اكلة محددة ..تكره بعضا من ملابسك..تكره الاشياء التى تتعامل معهاتكره الذهاب لمكان ما ..تكره بصفة يومية فقط بالاجبار انت مرغم انت تتعامل مع الاف الاشياء التى تكرها ...اتسائل كيف يستطيع انسان ان يعيش وبداخله كل كمية الكره هذه لاشياء بريئة....فهلا نجرب ان نحب الاشياء وندللهم ونتعايش معهم متقبلين كل شيىء بصورته كما هى....انا لا اتحدث عن البنى ادمين ..انا اتحدث عن جمادات تستطيع ان ترودها وتصبح صديقتك بعد الان :)

سأفعل

سأكتب ...بالرغم من انى كتاباتى رديئة.....سأرسم بالرغم من ان رسم سىء.....سأغنى بالرغم من ان صوتى نشاز....سأفعل لانى اردت ان افعل....

T-shirt بالعربى

البيج دى عملاها اتنين اخوات....الاخوات نعيم...بجد موهوبين اوى واكتر حاجة شدتنى خلى صورة بروفيلك تتكلم عنك واخر حاجة شوفتها على البيج بتاعتهم انهم هيعملوا تى شيرتات عليها كتابات بالعربى من تصميمهم.... كانوا طالبين من الناس اللى على البيج انهم يساعدوهم فى الجمل اللى ممكن تتعمل بالعربى...الموضوع عجبنى اوى وشاركت كمان بالجمل اللى حابة اشوفها على تى شيرتات....انا مش جاية اتكلم عنهم دلوقتى ...انا حابة اكتب هنا الكومنتات اللى عجبتنى من الناس اللى شاركت والناس دى بتقول ان الكلام ده يتكتب على تى شيرتات......

يلا بينا نشوف الكومنتات...

اوعي يغرك جسمك

بمناسبة فترة دخول الجيش ولحد شهر 4 المفروض تيشرت مكتوب عليه ( يا حلاوتك فى الميرى )

أغنيه أفرد جناحك لفرقة كايروكى جملة " أنت أملك الوحيد" جملة قوية اوى نفسى اشوفها على تى شيرت

المهم ميكونش التيشريت غالى عشان تبيعو

أنا عندي كرش وأفتخر!

أنا كده أنا مصري

( كفاية كده )

جزره وقطمها جحش xDD

( خالف تعرف )

ثم انا اصلا كبير

انا مش انا

ما تحكمش فينا ظالم يا رب

يارتها جابت دكر بط

. انا ابو الاجرام

لو بطلنا نحلم نموت

الهب مايخليش الدمعه تفر

صاد السمك وكله بشوكه ... لافف وداهن الهو دوكو

شيربخ شيربخ زر

: ashofha wal3a

ع ر ب ي - م ق ا ت ل

مش بمزاجك على فكرة"

ممكن نعمل تيشيرت مكتوب عليه (أحسن) و في فيس لذيذ بيطلع لسانه و بيغمز:)

اكتب الدنيا زى المرجيحة:)

كلمة ( عاطل ومعه خبره ) حتلاقى نص الشباب لابساه ويكون لونه احمر او اسود

البرنس برنس من يومه ولو غسلو التيشرت بالاوموو ههههههههه

الصومال

انا مش في بلدي عويل

اوقات مشرق و اوقات بهتان

(سكر مظبوط)

كلمنى عربى

العين صابتني و رب العرش نجاني

"خليك في نفسك"

انا بحب بلدي :)

أديا فى جيوبى

مع نفسك ،، وانت مين انت اصلا !!

كاس بيرة للمرحومة

صمتي لا يعني النسيان فالارض صامتة وفي جوفها بركان

ثورة على النفس

اكتب ( أه يا جارحة القلب بأزازة ) و ( زغزغنى فى كوعى وارحم دموعى ) و ( عبر العفش يتنفش )

بوفتيك مفروم على بيضة نية اصملا عليك اخص عليا

لو ع الزيت خير ربنا كتير المشكله في الرجاله اللي بتدهن

اعمل الصح .

قلبي ملك ربي

كل واهد في هالووه :

لو كان فيه صبر يكفى ......كنت طحنت الصخر بكفى

: (..SO WHAT ??..)

انا بضيع يا وديع

انا رد فعل لفعلك

إلهي كيف أدعوك وأنا أنا، وكيف أقطع رجائي منك وأنت أنت؟

لقد فقعنا فى الوخ ........لقد فقعنا فى الوخ

سنرجع يوما

انجليزي ده يا مرسي

(( ملكش فيه ))

بكره أحلى ♥.

اذاكر و انجح !! الاتنين مع بعض

ياكش تولع..

سأصير يوما ما أريد

"صاحبك اللى خانك اعتبروا دخانك"

... "و لو"

بحبك يا سووونه اعبودك امووت في هواك

تسلم ايدك يا سيد المعلمين

انت قلبك قاسى اوى اوى انت مش بتحس كدا وكدا

أبدء بنفسك .

اقرأ

احيه يابو سوسو احيه

"زيح عنا يارب :

حابس ابليس فى الكيس

الصومال....والدرس العملى

شوفت صور كتير عن الصومال والمجاعة اللى هما فيها....وقبل ما اكمل واشوف الفيديوهات اللى بتنزل على الفيس بوك قررت انى لازم يكون ليا دور خصوصا وان رمضان كان على الابواب والثواب فى رمضان هيكون اكتر من الثواب فى الايام العادية....وبعد تفكير كبير قررت ان الثواب ده انا هدخل فيه ناس معايا.....ورغم انى طول عمرى كنت ضد مبدأ انى الم فلوس من ناس عشان اى حاجة انسانية وكان دورى بيقتصر انى بدفع فولس ومع نفسى وبكل هدوء....لاقيت نفسى المرة دى متبنية الفكرة وباقول للناس هاتوا فلوس عشان نتبرع للصومال....الحمدلله النتيجة كانت احسن من اللى كنت متوقعاه بكتير اوى ...مع ان فى ناس قالت لا وحسيت انى مكسوفة جدا من الناس اللى قالت لا ومن الناس اللى دفعت الفلوس ....بس اول مرة احس انى ممكن اعمل حاجة لو انا صممت والفكرة كبرت فى دماغى....عشان كدة انا هخلى الصومال درس اتعلم منه انى ممكن اعمل حاجات تانية كويسة واخلى الناس تشارك

التلج الدفيان

الصورة دى بحبها اوى....طول ما انا فى الشغل بقعد ابص لها وطول مانا ببصلها بحس بإحساس غريب اوى ...بحس ان التلج دفيان....بحس ان التلج حاسس بالامان اللى كتير مننا مفتقده...وبقول يابخت التلج اللى حاسس الاحساس ده.....احساس انه يبقى تلج وفيه شمس بتدفيه....بجد سبحان الله.....سبحان الله اوى...ورغم كل الشمس اللى مغرقة الصورة دى التلج لسة تلج ... وما دابش ....

المقال ده انا قريته وعجبنى

اضحك للدنيا واستحمل لنهاية المقال

شتري علبة شوكولاتة مستوردة غالية و كلها.

بص على بنت حلوة و إعرف أنها لو عرفتك كويس أكيد هتحبك.

إلعب لعبة مالعبتهاش من و إنت صغير.

إعرق و إنهج و حس إنك عايش.

إطفي نور أودتك شغل التكييف إسمع أكثر مزيكا بتحبها و إسرح معاها.

بص لأهلك و عرفهم قد إيه بتحبهم.

بص للي تحتك و إعرف قيمة كل حاجة معاك.

بص للي فوقيك و إعرف إن رغبتك إنك تبقى زيهم هي اللي مدية طعم لحياتك.

إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..

روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..

في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.

إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.

إعرف إنك كائن مهم و في كل لحظة بتغير إتجاه التاريخ.

بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”

سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –

بص لبنت مغرورة و إضحك من جواك.

بص لبنت وحشة و عاكسها بنظراتك و إعرف إنها هترجع البيت مبسوطة.

بدون سبب إبعت رسالة لأي حد بتحبه قوله حاجة حلوة.

إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.

إضربها جزمة.

خلى اللي يكره يكره و اللي يشتم يشتم وإعرف إنهم مضيعين وقتهم.

إتأكد إنك لو عارف إنك هتموت بكرة هتعمل نفس اللي بتعمله دلوقتي.

حب جامد قوي حتى لو حبك مش هيستمر لحد بليل.

كل أكلة حلوة قوي.. بس ماتخليهاش تشبعك.

إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.

ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.

بطل خمرة و مخدرات.. و إتعلم إزاي تستمتع بحتى أوحش الحاجات حوليك.

أكسب نفسك و حب حد بيكرهك.

إكسب نفسك ثاني و حب حد بتكرهه.

إكسب نفسك ثاني و إنسى حد لسه بتحبه من غير ما تكرهه.

إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.

إنزل شجع مع الزملكاوية لما يكسبوا.. حتى لو إنت مش زملكاوي.

إقرا الكلام ده من غير ماتعلق عليه و لو مش عاجبك بطل قراية.

شوف فيلم الكيف و ماتتفرجش على آخر ربع ساعة فيه.

إتفرج على الناظر من أول ما بيظهر محمد سعد.

لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..

إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.

جرب أكلة جديدة في مطعم فخم.. ثمنها يخرب بيتك.. و روح و إنت مبسوط.

شد مع عربية سيات.

إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.

إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.

إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.

إفتكر قبل ما تنام كل الكلام الحلو اللي سمعت الناس بتقوله عنك.

كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.

كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.

شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.

فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.

سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.

إستحمى في نص ساعة.. خلى المية تنزل على وشك و إسمع صوتها كويس.

جيب لنفسك هدية و إستنى لحد عيد ميلادك و إديها لنفسك.

جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.

إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.

إشرب مية كثير.

ماتغضبش مهما حصل.

أشكر كل الناس بسبب و من غير سبب.

لو حد إتريق عليك إضحك.. حتى لو من جواك بتضحك عليه.

لو حد شتمك حط ده في تانك البنزين بتاعك علشان يبقى طاقة تحركك لقدام.

لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.

لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.

بص لإمبارح.. و شوف إتعلمت منه قد إيه..

خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..

إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..

إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.

لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..

إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.

إتبسط.. و لو مش عايز تتبسط.. مش هتعرف تعكنن عليا
نقلا عن عمر سلامة (كاتب و مخرج) للمش عارف

متلازمة اكتئاب التكدس

اعنى بالتكدس ...تكدس المسئوليات...عندما يكون هناك كم هائل من الاعمال اليومية والغير يومية لانجازاها فى وقت واحد يبدو الوضع صعبا منذ الوهلة الاولى عندما تتكدس اعمال فى العمل واعمالى المنزلية المفروض اتمامها اشعر بنوع من الكأبة الغريبة القابضة على انفاسى مما يدفعنى للشعور بالحاجة للبكاء وليس البكاء لانى لا امتلك الوقت للبكاء ولكنه حلا مؤقتا لكن هذه الاحاسيس المريعة انتزع باكو الشيكولاتة من حقيبتى واتناولها ببرود مبالغ فيه ثم اعود سريعا لاتمام اعمالى...والشعور بالبكاء..