القافلة تعوى ...... والكلاب تسير

باءت جميع محاولاته بالفشل فى الحصول على وظيفة كان مؤهل لها من كل شىء لان ابن اخت المدير فكر بكسر فراغه

احترس من الكلاب

بعد خوف دام اكثر من خمسة عشر عاما منعه من اللعب فى حديقة جيرانهم اكتشف انه لايوجد اية كلابرغم يوجد لافتة احترس من الكلاب

مش زى الافلام......او زى الافلام

رن تليفونه بغنوة بتفكره بيها ولما رد كان مش عارفة ايه كدة وايه اللى حصل...اغنية محمود العسيلى اللى فيها فشار

ليه فكرته فى الاغنية دى ان الافلام اللى كان بيحبها كانت هتنصفه يعنى دى افلام تفقع المرارة السليمة والمكسورة

افلام بجد معمولة تحت شعار العته انا مش بتكلم عن كل الافلام انا بتكلم عن الافلام اللى هو بيحب يخشها

مش عارفة ليه لما سمعت الاغنية دى تحت الحاح من مجموعة من البشر حسيت ان الافلام اللى بيحبها افلام مابين الابيض واسود والالوان

الافلام البهتانة اللى ممكن تتفرج عليها بسبب واحد ان مافيش حاجة تانية متاحة فى التلفزيون عشان كدة هو اتعود عليها وحبها وزى ما يقال القط بيحب خناقة

مع ان الاغنية من وجهة نظر رومانسية الى حد ما ولكن كمان تخيلت ان الافلام اللى بيحبها زى نيمو وهو بيتصرف زى دورى او زى اندل فى شركة المرعبين المحدودة

عشان كدة انا اطالب بمعرفة نوعيه الافلام اللى سياته بيحب يخشها عشان نعرف هو كان بيصرف ازاى الاغنية طلعته ملاك وطلعت حبيبته شيطانه مش يمكن هو اللى كان بيحب افلام بايخة والبنية مظلومة

وعشان كدة كمان بلاش تتصرفوا من وجهة الافلام اللى بتحبوها لان هناك اذواق مختلفة

Peace

ياترى فكرت تسامح حد زعلك اوى وغلط فى حقك اوى وممكن يكون قدام الناس وممكن قدام ناس بيحترموك الى حد ما او بيوقروك انا بقى شوفت ناس عملت كدة ومش كدة وبس لا سامحوهم وكن شيئاً لم يكن

فكرت ان التسامح ده نعمة من عند ربنا ومش اى حد يقدر يسامح بسهولة فى لحظة بيكون الغضب متملك الانسان فى كل جزء فى كل نفس بيتنفسه بيكون نار من شخص ما عمل موقف ما

فكرة انك تستمد العفو من ربنا دى حاجة جامدة اوى لان ربنا بيعفوا عن الناس وبيعفو يعنى لما تغلط اكنك ماغلتطش

كلمة المسامح كريم فى حد ذاتها سبق

مش اى حد بيسامح يا جماعة وانت هتكون مش اى حد لما تسامح اى حد

هيكون يعنى عمل ايه اللى غلط فيك قتلك خانك خنقك كبسك ولو هيكون مقدار التسامح على قد مقدار الغلط

هيكون عملك ايه يعنى

كله بيعدى وكدة كدة لو انت ماسامحتش الزمن والوقت هيخليك تنسى غصب عنك وهيكون بالنسبالك موقف عادى

لاننا بالطبيعة بننتقل لمراحل عقلنا بينضج فيها ونشوف اللى بيحصل بنظرة مختلفة ويطلع اللى غلطان مش غلطان واللى مش غلطان هو سبب الغلط

فا بالمرة اكسب ثواب واكسب دماغك وراحة بالك وسامحهم

كلهم

.......

كلهممممممممم ومن غير اسف لوحدك كدة منك لنفسك

peace :)