كنوع من انواع التدريب على الوشاية بالاصدقاء هناك نظام عندما كنا صغار وهو ان يقوم الاستاذ باختيار طالب معين لكى يكلفه بمهمة الوقوف على الفصل وهذا الطالب بدوره يقف على الفصل بما معناه ان اللى يتكلم لا سمح الله يقوم هذا الطالب بكتابة اسمه وفى الاخر المهمة يقوم هذا الطالب بتسليم التقرير النهائى باسماء زملائه الذين ارتكبوا جريمة الكلام الى المدرس المبجل....هناك سؤلان محوريان حول تلك المهمة تنخوران فى رأسى....هل الكلام فى الفصل جريمة يعاقب عليها المدرسون....هل ذلك الطالب المختار له دور محورى فى معاقبة زملائه...
فى الفصل لما كنت صغيرة وكان يسند لى هذا الدور كنت ابدو مثل بطة تتبختر بذلك الدور انا هقف عليكوا وهوريكوا واقوم بالتهديد لمن المحه يتحدث قائلة ..خلى بالك هاكتب اسمك...وعندما كبرت بعض الشىء واصبحت فى المرحلة الاعدادية وكان يسند الى هذا الدور كنت اسعى لارضاء الطرفين ...الاستاذ والطلبة ..قائلة بكل براءة يا جماعة انا مش عاوزة اكتب اسم حد عشان كدة اقعدوا ساكتين عشان لما يجى الاستاذ يلاقى الفصل هادى.....ولكن السؤال الجذرى...هو ايه يعنى اللى هيحصل لما اكتب اسم حد فيهم ايه اكتر حاجة ممكن تحصل يتضرب عصايتين ولا ينزل للناظر ...وايه يعنى طالما اصبح الكلام جريمة يعاقب عليها ...خلاص اللى عندكوا اعملوه ....بمعنى خربانة خربانة...
ليست هناك تعليقات:
إرسال تعليق